لە چوارچێوەی ئەنجامدانی گفتوگۆی زانستی، ئەمڕۆ پێنجشەمە رێکەوتی ۳/۱۲/۲۰۲۰ کاتژمێر۹:۰۰ی سەرلەبەیانی، گفتوگۆی تێزی دکتۆرای خوێندکاری خوێندنی باڵا (هیوا کریم مولود) بەناونیشانی: "کاریگەری گوتاری ئەدەبی لەسەر ڕای گشتی لەکۆمەڵگەی کوردیدا"_ بەنموونەی باشوری کوردستان ۱۹۹۲-۲۰۰۳_ ئەنجامدرا، لیژنەی گفتوگۆی زانستیی ئەم تێزە لەم بەڕێزانە پێکهاتبوون:

۱. پ . د. دڵشاد عەلی محەمەد  /زانکۆی سلێمانی /سەرۆکی لیژنە

٢. پ.ی.د. طاهر محەمەد عەلی /زانکۆی سلێمانی / ئەندام

۳.  پ.ی.د. سامان عیزالدین سەعدون /زانکۆی چەرمۆ /ئەندام

٤.  پ.ی.د. محەمەد ئەحمەد حەسەن / زانکۆی صلاح الدین /ئەندام

٥. پ.ی.د. جلال ئەنوەر سەعید /زانکۆی کۆیە /ئەندام

٦. پ.د. محمد دلێر ئەمین محەمەد /زانکۆی سێمانی /ئەندام و سەرپەرشت

جێی ئاماژەپێکردنە گفتوگۆکە لەلایەن سەرۆك و ئەندامانەوە، لە کەشێکی زانستییانەدا بەسەرکەوتوویی بەڕێوەچوو.

کۆلێجی زمان، پیرۆزبایی خوێندن لە خوێندکارانی قۆناغی یەکەم دەكات

لەگەڵ تەواوبوونی کاروباری وەرگرتنی خوێندکاران لە زانکۆکانی هەرێمی کوردستان، ئەمڕۆ ۲۹/۱۱/٢٠٢٠ کۆلێجی زمان، پێشوازی لە خوێندکارانی قۆناغی یەکەم کرد و لەلایەن سەرۆکایەتی بەشەکانەوە وێڕای پیرۆزبایی ساڵی نوێی خوێندن، سەرجەم ئەو رێنمایی و زانیاریانەیان پێشکەشکرا، کە پێویستە دەربارەی بەش و وانەکانی خوێندن بیزانن، هەروەها خوێندکاران ئاشنا بە پروسەی بۆلۆنیا کران کە پرۆسەیەکی نوێی خوێندنی زانکۆیەو کۆی ئەو تەوەرانەیان بۆ روونکرایەوە کە تایبەتە بە جۆنێتی خوێندن بەپێی سیستمی بۆلۆنیا، هاوكات هەفتەی داهاتوو رێكەوتی 6/12/2020 بەشێوەی سیستەمی ئاوێتە دەست بەخوێندن دەكرێت.   

کۆلێجی زمان یەکێکە لە لەمێژترین کۆلێجەکانی زانکۆی سلێمانی و خاوەنی پێنج بەشی زانستییە بە ناوەکانی بەشی زانستی کوردی، عەرەبی، ئێنگلیزی، وەرگێڕان، فارسی، بۆ ئەمساڵی خوێندن لە بەیانیان و ئێواران نزیکەی (572) لە سەرجەم بەشەکان وەرگیراون.