new feeds‎ > ‎

کۆلێجی زمان: سیمینارێک لەبارەی خوێندن لە وڵاتی فەڕەنسا ئەنجامدرا

posted Oct 26, 2021, 11:12 AM by Mohammed Najmalddin Wadi   [ updated Oct 26, 2021, 1:21 PM ]

ئەمڕۆ سێشەممە، ڕێکەوتی 26/10/2021، ڕاگرایەتی کۆلێجی زمان پێشوازی لە وەفدێكی باڵوێزخانەی فەرەنسا لە عێراق كرد .

وەفدەکەی فەڕەنسا پێکهاتبوون لە هەریەکە لە بەڕێز ئەلیكساندەر، پاشكۆی باڵیۆزخانەی فەرەنسا لە عیراق و هاریكاری فێركاری و زمانەوانی، مریەم زیا بەپرسی كاروباری پەروەردەیی و كەمپوس فرانس، دەشتی سدیق بەرپرسی كاروباری كلتوری و پەیوەندیەكان لە باڵیۆزخانەی فەرەنسا لە بەغدا.

لە میانی دیدارەکەیاندا، ڕاگرایەتی کۆلێج و وەفدە فەڕەنسییەکە باسیان لە كاركردنی پێكەوەیی و سودبینین لە ئەزموون و شارەزایی فەرەنسا و پتەوكردنی پەیوەندییەكانی نێوان هەردوولا کرد بەتایبەت لە بوارەکانی زمان و كلتور و بواری زانستی و ئەكادیمی .

لەلایەکی دیکەوە و دوابەدوای دیدارەکە، لە هۆڵی پڕۆفیسۆر دکتۆر عیزەدین موستەفا ڕەسول، لەلایەن وەفدەکەوە سیمینارێک سەبارەت بە شێوازی خوێندن لە وڵاتی فەڕەنسا پێشکەشکرا.

لە  سیمینارەکەدا کە ژمارەیەکی بەرچاو لە مامۆستا و خوێندکارانی بەشەکانی کۆلێجی زمان بەشداربوون، باس لە گرنگی خوێندنی باڵا لە وڵاتی فەڕەنسا کراو و شێوازی چۆنێتی قبووڵوەرگرتن لە زانکۆ فەڕەنسییەکان خرایەڕوو. هاوکات، باس لەوەشکرا کە دامەزراوەی کەمپەس فڕەنس هەوڵی بەردەوام دەدات کە ئاسانکاری بۆ خوێندکاران و خوازیارانی خوێندنی باڵا لە وڵاتی فەڕەنسا بکات و ئامادەیی خۆشیان بۆ هەماهەنگیکردن نیشاندا.

 

 

Comments