News and Events‎ > ‎

‎ كتێبخانەی تایبەت بە بەرهەمەكانی بەشی كوردی ده‌كرێته‌وه‌

posted Feb 3, 2018, 10:23 PM by language language   [ updated Feb 3, 2018, 10:34 PM ]
له‌ به‌شی كوردی كۆلێژی زمان كاركردن بۆ كردنەوەی كتێبخانەی تایبەت بە بەرهەمەكانی بەشه‌كه‌ بۆ خزمەتكردنی خوێندكارانی بەكالۆریۆس و خوێندنی باڵا و كۆلێژ و زانكۆ و دەرەوەی زانكۆ ده‌ستیپێكرد.

ئەم كتێبخانەیە تەرخانكراوە بۆ بەرهەمی مامۆستایان و خوێندكارانی بەش كوردی بەمشێوەیەی خوارەوە: -

‎یەكەم/ بەرهەمی سەرجەم مامۆستایان، نامەی ماستەر و دكتۆرا و لێكۆڵینەوەكانیان، بە شێوەی ئەلیكترۆنی كۆكراونەتەوە و به‌رده‌ستده‌خرێن. 

‎دووەم/ سەرجەم نامەی ماستەر و تێزی دكتۆرای ساڵانی (٢٠١٤) تاوەكو (٢٠١٨) كە لە بەشی كوردی ئەنجامدراون ڕیزبەندكراون و ئامادەن.

‎تێبینی: 
 
‎لە ئێستادا كارده‌كرێت بۆ ئامادەكردنی سەرجەم ئەو نامانەی هەر لە سەرەتای كردنەوەی بەشی كوردی ئەنجامدراون.

‎سێیەم/ تۆماركردن و ڕیزبەندكەردنی سەرجەم باسی دەرچوونی خوێندكارانی بەش كە لە لایەن خوێندكارانی بەشەوە ئامادەكراوە بەو ئومێدەی لە داهاتودا لە شێوەی پڕۆژەیەكدا بتوانرێت چاك و نایابەكانی لێ جیا بكرێتەوە و بڵاو بكرێتەوە و وەك سەرچاوەی باوەڕپێكراو بەكاربێتەوە.

‎لەمڕوانگەیەوە ئاگاداری بەڕێزتان دەكەین كە كتێبخانەی تایبەت بە بەرهەمەكانی بەشی كوردی لە 4ی شوباتی 2018 وه‌ دەكرێتەوە و دەتوانرێت سوودی لێ ببینن.

‎لە داهاتوییەكی نزیكیشدا كۆ بەرهەمی مامۆستایانی بەش بە شێوەی چاپكراو خانەی تایبەتی خۆی بۆ تەرخاندەكرێت.

‎ئه‌مانه‌ی خواره‌وه‌ لیستی ناونیشانی نامەی ماستەر و تێزی دكتۆراكانە كە لە ماوەی ساڵانی (٢٠١٤-٢٠١٧) ئەنجامدراوە.


كۆلێژی زمان- به‌شی كوردی 



Comments