یەكەم ڕۆژی كەمپینی (سولی بەبێ پلاستیک) لە زانكۆی سلێمانییەوە دەستیپێكرد
ڕۆژی ٢ی تشرینی دووەمی ٢٠٢٤، بە بەشداری تیمێكی خۆبەخش، كەمپینی (سولی بەبێ پلاستیك) لە زانكۆی سلێمانییەوە دەستیپێكرد و بڕیارە ماوەی چوار ڕۆژ لە شاری سلێمانیدا بەردەوام بێت.
كەمپینەكە بە پاڵپشتی بەڕێز (قوباد تاڵەبانی) جێگری سەرۆكی حكومەتی هەرێمی كوردستان و بە سپۆنسەری گروپی كۆمپانیاكانی ئایكیو و كارگەی لاڤارج و ماڵی داهێنانی سولی، لەلایەن تیمێكی سولی ریسایكلینەوە جێبەجێدەكرێت.
د. سۆما نەوزاد مامۆستا لە كۆلێژی زمان لە زانكۆی سلێمانی و سەرپەرشتیاری ئۆفیسی وێبسایتی زانكۆی سلێمانی لە لێدوانێكدا بۆ “سایتی زانكۆ” وتی: “هەروەك چۆن زانكۆی سلێمانی هەمیشە خواستی بووە، كە دانەبڕێت لە كۆمەڵگا و ویستویەتی خوێندكارەكانی بەشداری لە چالاكییەكانی كۆمەڵگادا بكەن، لەوچوارچێوەیەشدا بەباشمانزانی دەستپێكی ئەو كەمپینەی، كە بۆ پاككردنەوەی سلێمانی لە پلاستیك ڕاگەیەندراوە، بە بەشداری و هاوكاری كۆلێژی زمان لەناو زانكۆی سلێمانییەوە بێت”.
وتیشی: “ئامانجمانە لەئەمڕۆدا زانكۆی سلێمانی و گۆڕەپان و باخچەكانی لە پاشماوەی پلاستیك و كەرەستەكانی دیكە پاكبكەینەوە، بەمەبەستی جوانكردنی سیماو پاراستنی زانكۆمان لەڕووی ژینگەییەوە”.
ڕوونیشكردەوە، نزیكەی ٤٥ خوێندكار خۆبەخشانە بەشدارییان لەم هەڵمەتەدا كردووە، سەرەتا خوێندكارەكان بەشداربوون لە سیمینارێكی تایبەت بە كەمپینەكە لە مۆزەخانەی كەلتووری سلێمانی، پاشان لەناو زانكۆدا بەسەر چوار تیمدا دابەشبوون و هەریەك لە تیمەكان پێداویستی تەواویان لە كیسی پاشەڕۆ و دەستكێش و دەمامك پێدرا، دواتر بەناو كۆلێژ و شوێنە گشتییەكانی زانكۆدا بڵاوبوونەوە بۆ كۆكردنەوەی پلاستیك و پاشماوەكانی دیكە.
لەلایەن خۆشییەوە، (ئەژی فەریق) خوێندكاری كۆلێژی زمانی زانكۆی سلێمانی، خۆشحاڵی خۆی دەبڕی بە بەشداریكردن لە كەمپینەكەداو بۆ “سایتی زانكۆ” وتی: “وەك خوێندكارێك بەباشمزانی بەشداری بكەم لە كەمپینی (سولی بە بێ پلاستیک)، كە هەڵمەتێكی نیشتمانییە و سوودێكی گشتی هەیە بۆ ژینگەی شارەكەمان و لەو شوێنەشەوە دەستمان پێكردووە، كە زۆرترین سودی بە ئێمە بەخشییەوە، كە زانكۆی سلێمانییە”.
College of Languages Participates in “Suli Without Plastic” Campaign
On November 2, 2024, College of Languages at Sulaimani University proudly took part in the first day of the “Suli Without Plastic” campaign, an initiative aimed at reducing plastic waste throughout the city of Sulaimaniyah. The campaign is supported by Mr. Qubad Talabani, Deputy Prime Minister of the Kurdistan Regional Government, and sponsored by IQ Group Companies, Lafarge Factory, and Suli Innovation House. Spearheaded by a dedicated Suli recycling team, the campaign focuses on collecting plastic waste from public areas across the city.
Dr. Soma Nawzad, a lecturer at the College of Languages, emphasized the importance of the college’s involvement, stating, “We thought it was better to start the first day of the campaign with the participation and cooperation of the College of Languages at Sulaimani University. For this purpose, our students registered and we invited campaign volunteers to join us on campus.”
Azhir Fariq, a student from the College of Languages, shared his enthusiasm: “As a student, I felt it was important to join the ‘Suli Without Plastic’ campaign, which holds significant environmental benefits for our city. We began by focusing on our immediate surroundings and the place that has given us so much—Sulaimani University.”
Through active participation in such initiatives, the College of Languages demonstrates its commitment to promoting environmental awareness and contributing to a more sustainable future for Sulaimaniyah.
